அழுகுரல்!

 - Lahja Kauluvi -

Namibia

தமிழில்

அஷ்ரஃப் சிஹாப்தீன்

அது ஓர் அழுகுரல்
ஆம் அழுகுரல்..
தெருவில் நிற்கும் ஒரு பெண்ணின் அழுகுரல்
யாராவது அதைச் செவிமடுப்பார்களா?
யாராவது சென்று பார்ப்பார்களா?
கலகக் கும்பலொன்று அவளைத் தாக்கிச்
சாக விட்டிருக்கிறது...
அவள்
வீட்டிலேயே இருந்திருக்கலாம்!

அது ஓர் அழுகுரல்
ஆம் அழுகுரல்..
எனக்கருகே இருக்கும்
ஒரு பெண்ணின் அழுகுரல்
யார் அதைச் செவிமடுப்பார்?
யார் வந்து பார்ப்பார்?
அவளுடைய உதடுகள்  கிழிக்கப்பட்டுள்ளன
அவளுடைய வேண்டுகோள் நிராகரிக்கப்பட்டது
அவளுடைய கணவன் சொன்னதை
அவள் ஏற்றுக் கொண்டிருக்கலாம்!

அது ஓர் அழுகுரல்
ஆம் அழுகுரல்..
எனது நெருங்கிய நண்பியின் அழுகுரல்
யாராவது அதைச் செவிமடுக்க வேண்டுமென
விரும்புகிறேன்
யாராவது போய்ப் பார்க்க வேண்டுமென
விரும்புகிறேன்
அவமானத்தால் போர்த்தப்பட்டிருக்கிறாள்
துளித்துளியாய்ச் சேரும் சோகங்களுடனிருக்கிறாள்
அவளுடைய கண்களை எதிர்கொள்ள
என் கண்களுக்கு முடியாதிருக்கிறது
அவளது நோவுகள் கூர்மையாளவை
என்னுடையவற்றைப் போலவே 
உணர வைப்பவை

அது ஓர் அழுகுரல்
ஆம் அழுகுரல்..
அது எனது பெண்; குழந்தையின்
அழுகுரல்
யாராலும் அதைக் கேட்க முடிகிறதா?
யாராவது வந்து பார்ப்பார்களா?
அவளது நம்பிக்கைக்குத் துரோகமிழைக்கப்பட்டது
ஒரு வார்த்தையும் சொல்ல முடியவி;ல்லை
அமைதியாயிரு மகளே 
அமைதியாயிரு இப்போது
உனது கனவுகளோடு அமைதியாயிரு

அது ஓர் அழுகுரல்
ஆம் அழுகுரல்..
இது எனது சொந்த அழுகுரல்
யாராவது எனக்குச் செவிமடுங்கள்
யாராவது வந்து பாருங்கள்
எனது உடல் முழுக்கத் தழும்புகள்
இதற்கு மேலும்
நான் அமைதியாக இருக்க முடியாது

இதற்கான அடையாளங்கள் தெரிந்த போதே
நான் பேசியிருக்க வேண்டும்!

இதை நீங்கள் வது நபராக வாசிக்கிறீர்கள்