நாட்டவிழி நெய்தல்: ஆதலினால் காதல் செய்வீர்!

Sunday, June 15, 2014

ஆதலினால் காதல் செய்வீர்!

Sam Hamod

தமிழில் - அஷ்ரஃப் சிஹாப்தீன்

அவள் சொன்னாள்:-
என்னால் முடியுமாக இருந்தால்
என் இதயத்தில்
உன்னைச் சித்திரத் தையல் செய்வேன்

அவன் பதில் சொன்னான்:-
ஆம்! அப்படியானால்
அதற்கான நூல்
என்னிலிருந்து பெறப்பட்டதாய் இருக்கும்!

அவன் சொன்னாள்:-
என்னால் முடியுமாக இருந்தால்
என்னுடைய மூச்சில்
உன்னை இழைத்துக் கொள்வேன்!

அவன் சொன்னான்:-
ஆம்! ஏற்கனவே நீ
என்னுடைய மூச்சிலே கலந்திருக்கிறாய்
நீயின்றி என்னால் சுவாசிக்க முடியாது!

அவள் சொன்னாள்:-
என்னால் முடியுமாக இருந்தால்
என்னுடைய இரத்தத்தில்
உன்னை உள்வாங்குவேன்!

அவன் சொன்னான்:-
நான் ஏற்கனவே;
உன் இரத்தத்தில் இருக்கிறேன்
உன்னுடையதே என்னுடையது!

அவள் சொன்னாள்:-
அப்படியென்றால்
நீ என்னுடையவன்
நான் உன்னுடையவள்!

அவன் சொன்னான்:-
அதுதான் உண்மை
நாம் ஒருவரே
ஒரே இரத்தம்
ஒரே மூச்சு
ஒரே இதயம்!

இதை நீங்கள் வது நபராக வாசிக்கிறீர்கள்

No comments:

உங்களில் ஒருவன் நான்....

எனது நூல்கள் காணாமல் போனவர்கள் (1999) - கவிதை என்னைத் தீயில் எறிந்தவள் (2008) - கவிதை (அரச தேசிய சாஹித்திய விருது பெற்றது) மீஸான் கட்டைகளில் மீள எழும் பாடல்கள் - 2002 (பிரதான தொகுப்பாளர்) உன்னை வாசிக்கும் எழுத்து (2007) - கவிதை (ஈராக் கவிஞர் ஜமால் ஜூமாவின் கவிதை மொழிபெயர்ப்பு) புள்ளி (2007) - சிறுவர் இலக்கியம் கறுக்கு, மொறுக்கு, முறுக்கு (2009) - சிறு. இல. புல்லுக்கு அலைந்த மில்லா (2009) சிறு. இல. (இவை சிங்கள மொழியிலும் வெளியாகியுள்ளன.) தீர்க்க வர்ணம் - பத்திரிகைப் பல்சுவைப் பத்திகளின் தொகுப்பு (2009) ஸ்ரீலங்காவிலிருந்து ஸ்ரீரங்கப் பட்டணம் வரை - பயணக் கட்டுரை நூல் (2009) ஒரு குடம் கண்ணீர் (2010) - உண்மைக் கதைகள் (அரச தேசிய சாஹித்திய சான்றிதழ் பெற்றது) - ஒரு சுறங்கைப் பேரீச்சம் பழங்கள் (2011) - அறபுலகச் சிறுகதைகளின் மொழி பெயர்ப்பு (அரச தேசிய சாஹித்திய விருது பெற்றது) விரல்களற்றவனின் பிரார்த்தனை - (2013) - சிறுகதைகள்

2000ம் ஆண்டு முதல் யாத்ரா எனும் பெயரில் தமிழ்க் கவிதைகளுக்கான சஞ்சிகையையும் அதன் ஆசிரியராக செயற்பட்டு வெளியிட்டு வருகிறேன். 2002ம் ஆண்டு இலங்கை அரசு கொழும்பில் இலங்கை இஸ்லாமிய இலக்கிய ஆய்வகத்தின் ஆதரவுடன் நடத்திய உலக இஸ்லாமிய தமிழ் இலக்கிய மாநாட்டின் செயலாளராக இயங்கியதும் 2011ல் கொழும்பில் நடந்த சர்வதேசத் தமிழ் எழுத்தாளர் மாநாட்டின் செயலாளராக இயங்கியதும் எனது வாழ்நாள் சாதனை என்று நான் கருதுகிறேன். இஸ்லாமிய இலக்கிய ஆய்வகத்தினதும் சர்வதேச தமிழ் எழுத்தாளர் ஒன்றியத்தினதும் செயலாளராக இன்னும் இயங்கி வருகிறேன்.