இரண்டு ரூபாய்

பத்து ரூபாவை வாங்கிக் கொண்டு

முன்னால் போ என்று துரத்தினாய்
எட்டு ரூபாவுக்கான
பயணச் சீட்டைத் தந்து விட்டு

இரண்டு ரூபாய்க்காக
வாய்திறக்க முற்பட்டால்
நெருக்குப் பட மட்டுமல்ல
என்னை
நிர்வாணப்படுத்தி விடவும் கூடும்
நீ

தருமதிக்கு முயற்சித்தால்
கெடுமதி விளைந்து விடுகிறது
அவ்வப்போது

பஸ்ஸில் ஏறிய பிறகுதான்
சில்லறை பற்றிய ஞாபகம் வருகிறது
‘சில்லறைகள்’ நிறைந்த நாட்டில்

‘நாணயம்’ இல்லாத உலகில்
இரண்டு ரூபாய் ஒன்றும்
பெரிய நாணயம் இல்லைத்தான்

ஆனாலும்
தவிர்க்க முடியுதில்லை -
நீ திருப்பித் தராத பணத்தில்
தன் குழந்தைகளுக்கு
இரண்டு டொபிகளை வாங்க எண்ணும்
ஓர் ஏழைத் தந்தையின் தவிப்பு
நினைவில் வருவதை!

இதை நீங்கள் வது நபராக வாசிக்கிறீர்கள்